3. orqanizmimizdə somatik hüceyrələrin başlıca bölünmə növü. mitoz 4 mərhələdən profaza, metafaza, anafaza, telofazadan ibarətdir. mitoz bölünməyə hazırlıq mərhələsi interfaza adlanır. mitoz bölünmə zamanı xromosom dəsti iki dəfə artır (kopyalanır) və daha sonra iki qız hüceyrə arasında bərabər sayda paylanır. beləliklə irsi material olduğu kimi hər iki qız hüceyrəyə ötürülür. metafazada hüceyrə mərkəzində tipik metafaza lövhəsi görülür. metafaza lövhəsi əkiz xromosomların hüceyrə mərkəzində düzülməsinə deyilir. daha sonra qütb cisimciklərinə doğru çəkilən xromosomlar, telofazada hüceyrələrarası arakəsmənin əmələ gəlməsiylə bölünmələrini tamamlayırlar. cinsi hüceyrələr istisna olmaqla bütün sağlam hüceyrələrimiz, diploid xromosom dəstinə- 2n ilə işarə olunur- malikdir. bu 23 cüt xromosoma işarədir. mitoz bölünmə zamanı yeni əmələ gələ hüceyrələr də diploid xromosom dəstinə malik olduğu üçün onlar da 2n ilə işarə edilir. meyozda isə irsi yük yarı-yarıya azalır və n ilə işarə olunur sadələşdirmək üçün.